HIERDIE MAAK SAAK
Daar is 177 kinders wat tans by SAVF Belfast Kinderhuis hul tuiste vind. Hierdie kinders is slagoffers van volwassenes se keuses en leefstyle.
Die kinderhuis is in ‘n tragiese toestand. SAFV Belfast ontvang nie meer staatsubsidie vir ‘n geruime tyd nie. Kerke in die omliggende gebied het tot destyds ingespring en die kinderhuis ondersteun tot hulle vermoëns. Daardie ondersteuning het ook onttrek weens die kerke se eie finansiële tekortkominge. Tans is SAFV se enigste inkomste bekom deur donasies. Hierdie geld word gebruik vir kos en die personeel se salarisse. Die behoefte is strukturele herstel tot basiese benodighede vir die kinders se behoefte .
WAT BEHELS
HIERDIE PROJEK?
Hierdie projek het nie net ‘n impak op die kinders gemaak nie, maar het elkeen van ons diep aangeraak. Min het ons geweet dat die Here hierdie uitreik as ‘n lang-termyn projek sien, en ons is in, “boots and all”!
FASE 1 MEISIES-KOSHUIS
Daar is baie onderhoud take wat die gebou nodig het naamlik verf. elektriese werk en basiese herstelwerk van toiletgeriewe. Verf en dekor is ook broodnodig om die plek meer soos huis te laat voel vir die kinders.
Fase 1 is voltooi.
FASE 2
SEUNS-KOSHUIS
Die seunskoshuis het ‘n dringende opknap nodig. Die mure moet uitgeverf word en daar moet ook herstelwerk gedoen word aan verskeie sake. Ons beplan om die hele koshuis leefbaar en huislik te maak vir die kinders.
Fase 2 vind plaas 23 Maart 2024
FASE 3
OPLEIDING & BEMAGTIGING
By Invloed Kerk droom ons oor volhoubaarheid as ‘n doelwit wanneer dit kom by uitreike. Ons moet die personeel en sisteme volhoubaar maak sodat die koshuis ‘n veilige tuiste kan bly vir talle kinders in die toekoms.
Gebeur deurlopend
MYLPALE WAT
ONS BEREIK HET
BEDDENS
Ons doelwitbegroting vir “Borg ‘n bed” is vêr oortref. Die beplanning was om net die dogters se beddens te vervang. Danksy almal se vrygewigheid kon ons die seuns en meisies se waterdigte beddens, lakens, kussings en komberse aankoop.
Elke kind het nou ‘n warm plek om te slaap.
BORGE
Verf, hout, bou materiaal, gordyne, kos, koopbewyse en soveel meer is ontvang vir Fase 1 van die Belfast Uitreik. Dankie aan elke besigheid en persoon wat items geborg het. Daar was 15 verskillende besighede/ persone wat die projek geborg het. Dankie aan elkeen.
DONASIES
Ons gemeente en gemeenskap het met ope harte finansies, donasies en hul tyd geskenk aan hierdie projek. Sanitêre produkte, skoene, beddens, kos en soveel meer was gegee vir Fase 1.
Daar is verskillende maniere hoe jy ook betrokke kan raak – Donasies (Finansieel of Behoeftelys benodighede) & Vrywilligers met ‘n helpende hand op die dag.
Sien die donasielys om te sien wat geskenk is & wat word nog benodig.
FINANSIES
As ons ‘n rand waarde kan koppel vir al die donasies, borge en bydraes is die totale som R470,000.00. Daar is nog fondse oor wat gegee is vir Fase 1 wat ons sal aanwend vir Fase 2. Dankie vir elke persoon se bydrae.
